13 มีนาคม 2562

กลอนลำล่อง ๕๐ ปี เทคนิคไทย-เยอรมัน สู่ราชมงคลขอนแก่น


กลอนลำล่อง ๕๐ ปี เทคนิคไทย-เยอรมัน สู่ราชมงคลขอนแก่น
กลอนลำใช้ในการประกวดงานสืบสานและแลกเปลี่ยนศิลปวัฒนธรรม ๕๐ ปี 
ไทย อาเซียน ในวันที่ ๑๓ มีนาคม ๒๕๕๗
ณ มหาวิทยาลัยเทคโนโลยีราชมงคลอีสาน วิทยาเขตขอนแก่น
ประพันธ์โดย บุญจันทร์ เพชรเมืองเลย ๔ /๐๓/๕๗
 (กลอนขึ้น)
โอยน่อน่อ
มาออนซอนหลายเด้  มาออนซอนหมู่เขาเจ้า   จบ ปอหก บ่ได้เซา เข้าเฮียนฮู้ขึ้นชั้นใหม่
ละทุกข์ เอย จักแม่นทุกข์อันใด๋ จั่งมาเฮ็ดให้น้อง มาขัดข้อง ป่องบ่มี เออเออพี่เอย
(เนื้อในกลอน)
บทที่ ๑           พี่น้องเอย มรดกมูลมังเจ้า     พากันเอามาสืบสาน
หมอลำเฮามีโดนนาน เป็นครูสอนตั้งแต่เค้า
หมอลำหามาเว้า  การศึกษาเบิ๊ดสุอย่าง
เป็นความฮู้ปูทาง   เป็นศูนย์กลางให้เฮียนฮู้  ชาวบ้านผู้สู่คน
บทที่ ๒                    ฉันสิขอเริ่มต้น  กลอนกล่าวห้าสิบปี
เมืองขอนแก่นเฮาได้มี ผู้ส่งเสริมและปุ่นปั้น
เป็นที่อัศจรรย์แท้ รัฐบาลเพิ่มเหลียวแล   ลงนามตั้งบ่อนเฮียนต่อ
คือรัฐบาลไทยนี้น้อ ฮ่วมประเทศต่างชาติ  เยอรมันนั้นเข้าส่งเสริม
บทที่ ๓                     ปีสองห้าศูนย์หกเริ่ม สร้างก่อการศึกษา
นำวิชาชีพเข้ามา ด้านช่างฝีมือนั้น
ปีสองห้าศูนย์เจ็ดปั้น สร้างสรรค์คนให้เฮียนต่อ
ห้าสิบสองคนนี้หนอ  เป็นหน่อเชื้อของชาติ   ทางด้านการศึกษา
บทที่ ๔                     เกิดช่างกล ไฟฟ้า  เขียนแบบ  ท่อประสาน
ห้าแผนกนำกันนี้เป็นยุคจุดเริ่มต้น
ปีสองห้าหนึ่งแปดพ้นเยอรมันซ่อยมาโดน  ออนซอนท่านเป็นที่เพิ่ง
เทคนิคไทย ยังคิดเถิ่ง อยู่เลิงเลิงนำเด้อท่าน  ซาบซึ้งกันต่อมา
บทที่ ๕                     พอตกมาปีศูนย์เก้า  ได้จัดตั้งพิธีการ
สืบตำนานบูฮาน เชิญเสด็จพระองค์เจ้า
ราชกาลที่เก้า องค์กษัตริย์ไทยเอา ทรงเปิดบ้านปลูกประดู่
เป็นวิทยาลัยให้อยู่ คู่ขอนแก่นแต่เค้า ดังก้องทั่วอีสาน
บทที่ ๖                    การเปลี่ยนแปลงของเปิงบ้าน   เกิดอาคารขึ้นหลากหลาย
แม่นผู้ใด๋เหลียวกาย ต่างชื่นชมหนอยอย้อง
ประกาศทั่วแซ้ซ้อง  พระราชทานนามของ ชื่อราชมงคลขอนแก่น
คู่เสียงแคน แดนหมอลำ   บ่ไลถิ่มเฮียนฮู้ แหล่งวิชา
บทที่ ๗                     ได้มาลำประวัติย่อ พวกเฮาต่างหนอภูมิใจ
หากผิดพลาดอภัย ตำนานเก่าของเพื่อนบ้าน
พวกเฮาเด้อบ่คร้าน  คั่นมีงานให้เอิ่นซ่อย
ค่ารถบ่ให้เสีย   ค่าเฮือบ่ให้จ้าง ทางน้องสิด่วนมา
บทที่ ๘                     ได้ยินข่าวบ่รอช้า   มีประกวดหมอลำกลอน
พวกเฮา ออนซอน ออนซอน สมัครแข่งแต่มื้อนั้น
คอยสร้างสรรค์หมอลำไว้   คณะวิศวะกินใจ แถมบ่ถิ่มมูลแม่พ่อ
พวกเฮามาขอ ความฮักแพง เด้อจากท่าน ไปเฮือนน้องสิส่องแงง ๆ
(กลอนลง)
เออเออพี่เอย

ไม่มีความคิดเห็น:

แสดงความคิดเห็น

บทความที่ได้รับความนิยม

ข่าวเรียกบรรจุครูทั่วไทย อ่านต่อได้ที่: http://www.kruwandee.com/widget.html

ศิลปวัฒนธรรมลุ่มน้ำโขง: วรรณกรรมท้องถิ่นอีสาน

ศิลปวัฒนธรรมลุ่มน้ำโขง: วรรณกรรมท้องถิ่นอีสาน
ศิลปวัฒนธรรมลุ่มน้ำโขง: วรรณกรรมท้องถิ่นอีสาน