เพลง ไหว้ครูลำเดิน
ประพันธ์โดย บุญจันทร์ เพชรเมืองเลย
(กลอนขึ้น)
ผู้ข้า….สาธุเด้อ ….
ลูกขอวันทาไหว้ บรมครูผู้สอนสั่ง…..
ลูกขอวันทาไหว้ บรมครูผู้สอนสั่ง…..
ขอครูบาให้มานั่ง
เทียมข้างอยู่ใกล้ใกล้ เทเวศเจ้า เฝ้าส่งเสริม
เทียมข้างอยู่ใกล้ใกล้ เทเวศเจ้า เฝ้าส่งเสริม
เนรมิตกลอนลำเพิ่ม
คอยเติมแต่ง แปลงทางศิลป์
คอยเติมแต่ง แปลงทางศิลป์
เทวดาองค์อินทร์
วันทาทูนเกศาไว้
วันทาทูนเกศาไว้
ผู้ข้าลำขอถวยไท้
แม่นพลาดเลื่อมแนวใด ขอพรครูหยู่ให้ป่อง
แม่นพลาดเลื่อมแนวใด ขอพรครูหยู่ให้ป่อง
ให้ปัญญาใสส่อง
คนไหลนอง ล้อมทั่วหน้า ครูบาเจ้า ให้ล่ำแงง…..เออ…ละนา
คนไหลนอง ล้อมทั่วหน้า ครูบาเจ้า ให้ล่ำแงง…..เออ…ละนา
(เนื้อในกลอน)
(เพลง)
ข้าจักขอ วันทาน้อม
เทพศักดิ์สิทธิ์
เนรมิต ปัญญาแก้ว ให้ป่องใส
เทเวศเจ้า พระยายม อินทร์พรหมไซ้
เนรมิต ปัญญาแก้ว ให้ป่องใส
เทเวศเจ้า พระยายม อินทร์พรหมไซ้
ลำถวยไท้ เทวดา
พระยอดคน
มีคายอ้อ เซ่นยอครู
ผู้สอนศิษย์
ให้สถิต ปัญญาเกิด ไม่ฉงน
ให้สถิต ปัญญาเกิด ไม่ฉงน
ขันห้าพร้อม ซวยสี่ซ้อง ให้มายล
ขอจงดล กายทิพย์เฮียง ผู้ข้าลำ
ขอจงดล กายทิพย์เฮียง ผู้ข้าลำ
(ลำเดินขอนแก่น)
คำใดข้าม ยามลำให้ป่อง ๆ
คนชื่นชม แซซ้อง พากันย้อง ซ่ากัน
คนชื่นชม แซซ้อง พากันย้อง ซ่ากัน
มารภัยนั้น ให้บังเหตุ โรคา
สัพพะภัย หนามหนา อย่าแล่นกุม มาใกล้
วันทาไหว้ องค์กษัตริย์ ผู้เป็นใหญ่
คุ้มครองไทย ทั่วหล้า ผืนแผ่นฟ้า ให้ล่ำมอง
สัพพะภัย หนามหนา อย่าแล่นกุม มาใกล้
วันทาไหว้ องค์กษัตริย์ ผู้เป็นใหญ่
คุ้มครองไทย ทั่วหล้า ผืนแผ่นฟ้า ให้ล่ำมอง
อย่าขัดข้อง ให้เสียงลำ
ห่าวใส
บูรณาการหมอลำไทย ซ่อยส่งพร มาซูค้ำ
บูรณาการหมอลำไทย ซ่อยส่งพร มาซูค้ำ
(เพลง) ขอพรลำ ให้เจ้าภาพ
ลาภยศพร้อม
ให้คนล้อม สรรเสริญ ผลักดันหนุน
สัพพะโรค สัพพะภัย อย่าได้ซูน
ขอให้บุญ หนุนนำ แคล้วคาดภัย
ให้คนล้อม สรรเสริญ ผลักดันหนุน
สัพพะโรค สัพพะภัย อย่าได้ซูน
ขอให้บุญ หนุนนำ แคล้วคาดภัย
คำผญา ปราชญ์อีสาน
สอนไว้ว่า
ควรบูชา ครูผู้สอน บ่มนิสัย
เฮ็ดตามฮีต ตามคอง ตรึกตรองไว้
ศิษย์สิได้ ฮูงเฮือง ก้าวเป็นนาย
ครูเหมือนเทียน ส่องทาง ปัญญาเกิด
ให้บรรเจิด เลิศล้ำ คำป่องใส
ศิษย์มีครู ย่อมบรรลุ สิ่งหวังไว้
แม้ร่ำเรียน วาทศาสตร์ใด ย่อมไหว้ครู
ควรบูชา ครูผู้สอน บ่มนิสัย
เฮ็ดตามฮีต ตามคอง ตรึกตรองไว้
ศิษย์สิได้ ฮูงเฮือง ก้าวเป็นนาย
ครูเหมือนเทียน ส่องทาง ปัญญาเกิด
ให้บรรเจิด เลิศล้ำ คำป่องใส
ศิษย์มีครู ย่อมบรรลุ สิ่งหวังไว้
แม้ร่ำเรียน วาทศาสตร์ใด ย่อมไหว้ครู
(ลำเดินขอนแก่น)
ฮูลึกตื้น ฝืนบืน
บ่มีทรวง
หากแม่นล่วง คำเว้า เหลียวข้ามลื่นครู
ภูเขากั้น สูงใหญ่ เทียมสวรรค์
กะปีนขึ้น ทันควร ทวนคำครูเว้า
สาธุเจ้า เทวราช ผู้เป็นใหญ่
เชิญลงมาสู่พื้น เฮียมเบื้อง เมืองคน
พรหลายล้น จงบังเกิดเห็นผล
ขอให้ครูซ่อยดล ยามขึ้นลำ แสงฮูงจ้า
หากแม่นล่วง คำเว้า เหลียวข้ามลื่นครู
ภูเขากั้น สูงใหญ่ เทียมสวรรค์
กะปีนขึ้น ทันควร ทวนคำครูเว้า
สาธุเจ้า เทวราช ผู้เป็นใหญ่
เชิญลงมาสู่พื้น เฮียมเบื้อง เมืองคน
พรหลายล้น จงบังเกิดเห็นผล
ขอให้ครูซ่อยดล ยามขึ้นลำ แสงฮูงจ้า
ไม่มีความคิดเห็น:
แสดงความคิดเห็น