“คู่จากแถน แนนจากฟ้า”
ประพันธ์โดยบุญจันทร์ เพชรเมืองเลย
ย้อนสายแนนพันเกี้ยว เครือเหนียวแน่นพันหง่า
บุญผลาซุกหยู้ ขูดฮ่องฟ้ามาพ้อกัน
อัศจรรย์ใจนี้ สามสิบปีจั่งคึดออก
ใกล้ข่าศอกพวมคึดฮู้ ทองคำแท้อยู่ห่างคีง
งานวิจัยเพิ่นซ่ายิ่ง มข. เฮา
เมืองขอนแก่น
วัฒนธรรมเพิ่นกะแน่น เอาแขนตุ้มอุ้มอีสาน
ศิลปะตามบ่อนบ้าน เพิ่นพาเฮาไปซอกหา
ครู อาจารย์นำพา ชี้ป่องทางสว่างแจ้ง
เพิ่นบ่แพงความฮู้ ไหง้ปัญญาให้ใส่ป่อง
เทิงพ้อพี่พ้อน้อง แถนเพิ่นปั้น
ม้วนใส่กัน…พี่น้องเอย
อธิบายศัพท์
แนน – ต้นคล้ายเครือเถาขึ้นบนสวรรค์,
แถน – เทวดา,
หง่า - กิ่งไม้
หง่า - กิ่งไม้
ผลา – บุญเก่า, ซุกหยู้ – ผลักดัน, ฮ่อง – ร่อง,
พ้อกัน - พบกัน ข่าศอก – เท่าศอก,
พวมคึดฮู้ – ค่อยคิดได้,
ห่างคีง – ห่างกาย ซ่า – ล้ำลือ, บ่อนบ้าน – แถวบ้าน,
ซอกหา - ค้นหา , ป่องทาง - ช่องทาง บ่แพง - ไม่หวง,
ฮู้ - รู้
, ไหง้ – งัดขึ้น, ใส่ป่อง - เห็นทาง
ไม่มีความคิดเห็น:
แสดงความคิดเห็น