กลอน ฟ้อนบุญเดือนห้า บูชาธาตุพนม
คำร้อง/ทำนอง
บุญจันทร์ เพชรเมืองเลย 15/08/59
(กลอนขึ้น)
โอย
โอ่ โอ่ย ละน้อ
ละลมเอย ลมนี้แม่น ลมแล้ง
ดอกสะแบง แดงแซมง่า
บุญเดือนห้า เมษา บูชาธาตุ
พนมท่าน….สำราญฟ้อน….ทั่วอีสาน…..เออ….เอย…ละน่า
(เนื้อในกลอน)
(บทที่ 1)
ละลูกขอ พนมกร เหนือเกล้า วันทา องค์พระธาตุ
อภิวาท น้อบน้อม เทวดาล้อม ธาตุพนม
(บทที่ 2)
เป็นที่ สักการะ กราบก้ม เปรียบฮ่ม โพธิ์กกหนา
คนอีสาน ศรัทธา
บูชา บ่เคยเว้น
พิษพยาธิ
เข็ญข้อง ตกลำของ ไหลลอยล่อง
ซุมเหนือใต้
ไทพี่น้อง ซ่าลือก้อง บ่เสื่อมคลาย
(บทที่
3) ละสาธุ สาธุเด้อ เทวดาทั้งค้าย ทั้งหลาย มาดลจิต
ให้ท่าน เนรมิต ซ่อยเหลือเฮา อีสานไว้
ให้มีปู ปลา น้ำ
ฮวงเข้างาม เหลืองตามท่ง
ลูกขอฟ้อนสำราญสรง บูชาธาตุพนม
ที่สถิต
องค์พระเจ้า….คุ้มครองให้ ได้ฮุงเฮือง…ฮือ…..เอยละน่า
(เพลง)
ออนซอนฟ้อน ซอนฟ้อน สำราญอ้อน เอวอ่อน
อ้อนแอ่น
ละเอวอ้อน ละอ้อน ละอ่อน
ไหว้ของพร
สรงน้ำ องค์พระธาตุ พนมท่าน
บุญสรงกานต์ เดือนห้า สราญฟ้อน ม่วนกัน
(ดนตรีบรรเลง
คั่น 1 ท่อน)
โม่งโม่งฆ้อง โม่งฆ้อง ฮ้องฉลอง ฟ้อนแห่
แตร่แล่นแตร่….แล่นแตร่
ละแล่นละแตร่ แล่นแตร่
ให้ท่านแว่
มาตุ้ม มาโฮมบุญ บุญหยู้ส่ง
ให้ธำรง ฮอยฮีต
อดีตเค้า ปู่ย่ายาย
(บทลง)
นั้นละนา นวลนวลน่า ละนา นวลนวลน่า
เชิญท่านมา
ม่วนสุขสันต์ สำราญฟ้อนกัน บุญเดือนห้า….
ไม่มีความคิดเห็น:
แสดงความคิดเห็น